 |
| فطائر خلية النحل |
فطائر خلية النحل
المقادير :
٤ كوب طحين .. ٥ ملاعق كبيرة حليب بودرة .. ٢ ملعقة كبيرة سكر .. رشة ملح .. ملعقة صغيرة بيكنج باودر .. ملعقة كبيرة خميرة فورية .. نص كوب زيت .. كوب ونص مي دافية
صفار بيضة وشوي خل وشوي حليب لدهن الوجه
للزينة : سمسم
الحشوة :
جبنة كريمية وبقدونس مفروم ناعم
الطريقة :
بنحط كل النواشف مع بعض ( الطحين .. حليب بودرة .. سكر .. ملح .. بيكنج باودر .. خميرة فورية ) وبنضيف عليهم الزيت والمي
وبنعجنهم كتير منيح اقل شي عشر دقايق لنحصل على عجينة طرية وما بتلزق بالإيد وبنتركها تتخمر تلات ارباع الساعة .
بنجهز مكونات الحشوة بخلط الجبنة مع البقدونس منيح .
بعد ما خمرت العجينة بنبلش نقطعها دوائر متساوية وبنتركها ترتاح عشر دقايق .
وبعدها بنبلش نفرد بالعجينة ونحشيها ونعملها دوائر ونحاول تكون متساوية .
بنصفهم في صينية بايركس وبنحاول نترك مسافة بين الكرات وبنريحهم عشر دقايق .
بندهنهم بخليط البيض والحليب والخل وبنزينهم بالسمسم .
بنخبزهم على حرارة ٢٢٠ مدة ٢٠ دقيقة او حتى ليتحمروا ويستووا .
وصحتين
